Неизвесен дуелот Ф. Острови - Македонија: Теренот замрзнат, мислиш хокеј ќе се игра! (ФОТО)

18 ноември 2019 - 20:04

Фудбалската репрезентација на Македонија до 21 година утре против Фарски Острови ги продолжува квалификациските натпревари за пласман на Европското првенство, но одигрувањето на овој натпревар засега е ставен под знак прашалник.

Именo, утре во 10:00 часот, судиите и делегатот ќе извршат детална инспекција на теренот и на официјалниот состанок ќе информираат дали ќе се игра натпреварот Фарски Острови - Македонија или истиот ќе биде одложен. Причина за ваквата одлука е тоа што попладнево теренот во Торшавн беше замрзнат, иако фудбалерите го одработија предвидениот попладневен тренинг. 

Македонија моментно е трета во групата со седум освоени бода, додека селекцијата на Фарски Острови се последни без ниту еден бод. Токму поради ова „црвено - жолтите“ ќе мора да извојуваат победа доколку сакаат да го задржат чекорот за пласман на ЕП. Лидер во нашата група е Шпанија, додека исто бодови со нас имааи и селекциите на Израел и на Казахстан.