Надежите до 18 години ќе играат силен турнир во Чешка

07 август 2019 - 17:42

Македонската репрезентација до 18 години од 19 до 25 август ќе учествува на силен турнир во Чешка, каде селекторот Шкумбин Арслани ќе има можност да види до каде е потенцијалот на нашите таленти во три пресметки – со домаќинот, потоа со Украина и со Словачка.

Мечевите од силниот турнир ќе се играат во Теплице, а пресметките ќе бидат и добар „филтер“ за да се избере најдобриот тим на оваа генерација на фудбалери. Првиот меч Македонија ќе го одигра на 21 август против Украина, а ден подоцна е мечот со Словачка.

„Турнирот во Чешка ќе биде одлична можност да се видат квалитетите и тимски и индивидуални на репрезентацијата и секој од повиканите фудбалери. После успешниот јунски камп кој го имавме во Дојран, ова е уште една можност да бидеме заедно и да одиграме натпревари против квалитетни противници. Ова е фаза кога се обидуваме да ги одбереме најдобрите во составот, сега имаме неколку нови имиња и очекувам дека ќе донесат квалитет и напредок во нашата игра. Се надевам на позитивни резултати и дуели на кои ќе покажеме квалитет и цврст карактер“, вели Арслани.

СОСТАВ

Голмани: Иван Николовски (Победа), Кристојан Китановски (Вардар);

Одбрана: Али Асани (Вардар), Филип Костовски (Њу Старс), Алтрим Јакупи (Шкендија), Александар Ѓурковски (Вардар), Имран Фетаи (Шкендија), Спасе Терзиев (Академија Пандев), Виктор Крстевски (Вардар);

Среден ред: Димитар Тодоровски (Работнички), Лука Станковски (Работнички), Иван Николов (Академија Пандев), Бехар Фета (Њу Старс), Леонид Игњатов (Вардар), Влада Новески (Војводина, Србија), Хамза Рамани (Шкупи), Ерен Парталко (Академија Пандев), Лавдрим Љатифи (Болдклубен, Данска);

Напад: Азер Омерагиќ (Вардар), Марио Илиевски (Септември Софија, Бугарија), Методи Максимов (Работнички);