Македонија со сите сили ќе нападне за победнички старт во квалификациите (ФОТО)

21 март 2019 - 19:26

Македонија вечерва на Националната арена „Филип Втори“ против Летонија ќе ги почне квалификациите за Евро 2020, па сите посакуваат победнички старт, додека во центар на внимание ќе биде и капитенот Горан Пандев, за кого ова ќе биде 100. настап во репрезентативниот дрес.

Македонската репрезентација вечерва ќе нападне со сите сили за да почне победнички во квалификациите, а сега беше објавен и составот за вечерашната пресметка.

За Македонија на голот ќе биде Димитриевски, додека одбраната ќе биде составена од Муслиу, Алиоски, Велкоски и Ристовски. Во средината од теренот ќе играат Хасани, Николов, Барди и Трајковски, додека нападот ќе ни биде составен од Пандев и Несторовски.