„Ќе заплачев поради Пандев, тој е македонскиот - Јохан Кројф!“
Холанѓаните достојно го испратија македонскиот капитен, кој пред средбата доби дрес на подарок, а на крајот и громогласен аплауз од сите присутни, меѓу кои беа и повеќе холандски легенди како Весли Снајдер и Ван дер Варт, кој нашиот великан го спореди со Јохан Кројф.
„Исклучително го почитувам Пандев, па тој е како Јохан Кројф за Македонија. Мислам дека направивме одличен гест, на одличен начин тој се прости од својата селекција. Атмосферата и мене ми предизвика емоции, малку фалеше да пуштам солзи. Прекрасно е кога големите играчи како Пандев се испраќаат на тој начин“, изјави Рафаел ван дер Варт.