Интер може да здивне: Барселона се откажа од Лаутаро Мартинез

Шпанскиот фудбалски гигант, екипата на Барселона, се откажа од трката за напаѓачот на Интер, Лаутаро Мартинез.

Каталонскиот клуб не беше задоволен од цената што за 22-годишниот Аргентинец ја бара италијанскиот клуб, пренесе „ЕСПН“.

Последната понуда на шпанскиот клуб во висина од 100 милиони евра беше одбиена, по што Барселона реши да направи пауза во преговорите.

Интерес за фудбалерот покажуваат и англиските великани Манчестер Сити и Манчестер Јунајтед.

Оваа сезона Лаутаро настапи на 15 натпревари во Серија А, на кои постигна осум гола и запиша четири асистенции.