Ѓуровски се пензионираше: Најубавите моменти ги минав во Македонија и Муангтонг!
Последната година тој ја мина во редовите на тајландскиот клуб Муангтонг Јунајтед, а претходно беше дел и од Металург Доњецк, Војводина, а за репрезентацијата на Македонија забележа 12 настапи на кои даде два гола, со Азербејџан и Ерменија.
Време е за збогум. Сакам да ги споделам најдобрите моменти во животот. Почнав да играм фудбал кога имав пет години. Минав низ многу земји и сретнав многу луѓе. Едни од најдобрите моменти во мојата кариера ги минав во репрезентацијата на Македонија, како и на Тајланд. Би сакал да кажам благодарам за сите што беа дел од мојата 29-годишна кариера. Моите тренери и соиграчи и клубовите во кои играв. Благодарност до Муангтонг, клуб во кој играв најмногу, како и до навивачите. Одушевен сум од љубовта којашто ја добив како фудбалер, истакна Ѓуровски.