Ерменците открија: Голема нетрпеливост на две ѕвезди е причина за крахот!
Македонија утре ќе се соочи со Ерменија, а на половина пат во Лигата на нации на домаќинот му бега шест бода, па триумф на црвено-жолтите ќе значи практично обезбедено прво место, зошто тешко за верување е дека Лихтенштајн теоретски би можел да направи сензација. И во пресрет на мечот во Ереван, медиумите во оваа земја веќе објавија дека една голема нетрпеливост на две ѕвезди во тамошната репрезентација се причина за тоталниот крах на тимот.
Ерменија и пред еден месец се измачи со Лихтенштајн и едвај победи со гол на вардарецот Тигран Барсегјан, а потоа буквално не покажа ништо против Македонија и единствената шанса што ја имаа на мечот беше очајната грешка на левиот бек Кире Ристевски. Во Скопје беше очигледна „тоталната недисциплина“ и фактот дека секој фудбалер сакаше со индивидуална акција да направи некаква шанса, а тимската игра речиси не постоеше.
„Кој можеше да помисли дека може да се загуби од Гибралтар? Имаме играчи кои играат во Англија, Германија, Португалија, Русија и секоја недела слушаме дека играле добро, дале гол. И што е сега проблемот? Очигледно е дека во тимот има подлабоки проблеми, одошто тоа наизглед делуваше дека е со селекторот“, пишува „В њус“.
Соблекувалната е разединета, а две ѕвезди наводно го голема војна – Мхитарјан и Јура Мовисјан.
„Не гледаме дека тимот е обединет. Очигледно е дека нема кохезија во тимот. Грешки се прават, па и големи селекции губеле од мали, арно ама... Очигледно е дека нема респект помеѓу Мхитарјан и Мовсисјан. Еден од нив веќе призна во отворениот разговор со дел од навивачите дека 'атмосферата во тимот не е како што била пред неколку години'. Очигледно е дека личните проблеми помеѓу Мхитарјан и Мовсисјан од пред неколку години не се решени, а продолжуваат да се повредуваат еден до друг, на штета на Ерменија“, додава порталот.
Разединетоста во ерменскиот состав е нивна голема болка, а адут повеќе на избраниците на Игор Ангеловски да ја продолжат победничката серија и практично да го обезбедат плејофот за Евро 2020. Во селекцијата на Ерменија членови се Барсегјан, актуелниот фудбалер на Вардар и Хофханес Хамбарџумјан, кој три годни до летоска беше дел од најтрофејниот македонски клуб.