Димитриевски го продолжи договорот со Рајо до 2024 година

Шпанскиот второлигаш денеска објави дека Димитриевски го продолжил договорот до јуни 2024 година. Нашиот голман пристигна во Рајо во летото 2018 година и со своите добри игри на голот се избори за нов договор.

Димитриевски подолго време е во Шпанија, поточно од 2012 кога од Удинезе се пресели во редовите на Кадиз. Потоа бранеше и за Гранада и Гимнастик, а своите најдобри партии дефинитивно ги имаше во дресот на Рајо Валјекано.

Сезонава бранеше на 15 натпревари во Ла Лига2, а за македонската фудбалска репрезентација досега во кариерата настапи на 34 натпревари.