Вирус ги покоси „пандевци“ на подготовките во Бугарија

24 јуни 2019 - 10:58

Академија Пандев се соочува со проблеми на подготовките во Бугарија пред настапот во Лигата на Европа. 

„Пандевци“ денеска требаше да играат пријателски натпревар против Славија Софија, но истиот е под знак прашалник, бидејќи седум фудбалери на тимот добија стомачен вирус.

Марко Алчевски, Кристијан Стојкоски, Томче Илиев, Давид Атанаскоски, Михаил Маневски, Глигор Дончев и Ѓорги Танушев се надвор од тренежниот процес. Медицинскиот персонал прави напори за што побрзо враќање во нормалниот тренажен процес, велат од таборот на освојувачот на Купот.