Венгер: Само еден човек може да ме наследи на клупата на Арсенал
Масимилијано Алегри и Луис Енрике се меѓу најсериозните кандидати, а голем дел од управниот одбор на „топчиите“ смета дека Карло Анчелоти е вистинскиот човек за работата.
Некои медиуми веќе пишуваат дека самиот Арсен Венгер има свој фаворит, а тоа е неговиот поранешен играч Патрик Вијера.
„Извори блиски до Венгер им кажале на новинарите од 'БеинСпортс', дека Французинот силно го препорачал Вијера за негов наследник, но бордот на директори е поделен, бидејќи многумина веруваат во Карло Анчелоти“, пишуваат англиските медиуми.
Вијера нема премногу искуство како тренер и моментално го води тимот на Њујорк сити ФЦ во МЛС-лигата, беше дел и од младинската академија на Манчестер сити.