Вардар ги пушти во продажба билетите за мечот со Лозана - цените се популарни!

19 јули 2025 - 13:29

Вардар во четврток на 24. јули на Градски со почеток од 20:30 часот ја пречекува екипата на Лозана во меч од второто квалификациско коло во Конференциската лига, клубот од денеска ги пушти билетите во продажба.

Црвено-црните успешно го почнаа европското лето, ја минаа екипата на Ла Фиорита од Сан Марино, а сега пред себе ќе го имаат првиот вистински предизвик.

Противник на Вардар е екипата на Лозана која важи за еден од најдобрите швајцарски тимови.

Од денеска може да се набават билети за мечот меѓу Вардар и Лозана, цените се по 100 и 300 денари во зависност од местото на седење.

Билетите може да се купат на следниот ЛИНК.