Убедливи победи на Дортмунд и Леверкузен, пораз за Лајпциг

23 ноември 2024 - 17:36

Борусија Дортмунд со 4-0 го совлада Фрајбург, Баер Леверкузен со 5-2 беше подобар од Хајденхајм, Лајпциг со 4-3 загуби на гостувањето кај Хофенхајм, Елмас поради повреда не беше дел од овој меч.

Бејер, Нмека, Бранд и Гитенс ги постигнаа головите за Борусија Дортмунд против Фрајбург. Првите два во прво полувреме, вторите два во второ.

Дури седум погодоци имаше на мечот меѓу Баер Леверкузен и Хајденхајм. Таму гостите со погодоци на Дорш и Хонсак имаа водство од 2-0.

Тогаш се разбуди Баер Леверкузен и почна да го полни противникот. Шик даде хет-трик, по еднаш погодија Паласиос и Џака.

Седум голови имаше и на дуелот меѓу Хофенхајм и Лајпциг каде домаќините победија со 4-3.

Штутгарт со 2-0 го совлада Бохум, а Волфсбург со минимални 1-0 беше подобар од Унион Берлин.