Тован и Митроглу го торпедираа Лил! (ВИДЕО)

21 април 2018 - 18:56

Олимпик Марсеј не се откажува од борбата за место кое води во Лигата на шампиони, па денеска нивна најнова жртва беше Лил, кој го совладаа со 5-1.

Голеадата на „Велодром“ ја почна Флоријан Тован со гол во 12. Минута, а во 30. минута од пенал го зголеми резултатот на 2-0.

Пет минути подоцна Константинос Митроглу се „актиривираше“ и го зголеми резултатот на 3-0, а по три минути погоди за убедливи 4-0 на полувремето против Лил.

Едноставно гостите играа како „мува без глава“, но мала искра надеж добија во 54. минута, кога Јансин Бензија го намали резултатот на 4-1. Сепак, конечните 5-1 ги постави Лукас Окампос во 68. минута од натпреварот.

Во овие моменти Марсеј има 69 бодови, колку и третопласираниот Лион, па во наредните четири кола ќе се води жестока битка за позиција, која води во Лигата на шампиони наредната сезона.



|