Тажни вести од Мадрид: Почина 14-годишен фудбалер на Атлетико

28 март 2020 - 15:51

Атлетико Мадрид соопшти тажна вест која ги потресе сите во шпанскиот гигант. Младинскиот фудбалер Кристијан Минцола, кој е роден на 19 февруари 2006 година ја загубил битката за неговиот живот.

Шпанскиот тим не ги откри деталите за смртта на младиот фудбалер, кој беше член на академијата на Атлетико од 2013 година.

„Шокирани сме поради тажните вести и жалиме поради загубата на нашиот член. Атлетико Мадрид ќе биде поддршка на семејеството на Кристијан и неговите пријатели во овие болни моменти“, соопштија од Атлетико.