Севилја нема доволно пари, Милан си го добива назад својот напаѓач!?
Летово „росонерите“ го испратија Силва на позајмица во ресовите на Севилја за три милиони евра, а тие ќе може да го откупат неговиот договор наредното лето за 35 милиони евра.
Поранешниот напаѓач на Порто игра прекрасно во Ла Лига, па досега постигна девет голови за клубот и репрезентацијата.
„Калчо Меркато“ пишува дека за Милан сега постојат неколку опции. Една од нив е Севилја да ја плати клазулата од 35 милиони евра, но тие сакаат истата да ја исплатат на рати, а тоа дефинитивно нема да му се допадне на Милан.
Поради тоа, Португалецот би можел да се врати на „Сан Сиро“ и доколку продолжи во иста форма како во Севилја, тогаш би бил одлично засилување за „росонерите“.