„Роналдо требаше да потпише за Арсенал, но потоа Фергусон ми даде одлична понуда“
Агентот на Роналдо, Жорж Мендеш за англиските медиуми откри дека Јунајтед и Арсенал биле најсериозни кандидати за неговиот потпис, но на крајот Кристијано се решил да потпише за „ѓаволите“.
„Секогаш зборувам дека тренерот има важна улога во секој трансфер. Роналдо е пример за тоа. Го бараа многу клубови, но сите сакаа да го вратат на позајмица во Спортинг. Само Фергусон беше подготвен веднаш да го пушти во неговиот тим и тоа според мене беше најдобро решение. Му кажав дека Јунајтед е идеална шанса за него и на крајот направивме одлична одлука“, кажа Мендеш.