Роналдо пред потпис со екипа со која би можел да стане – светски првак!
Јужноамериканските медиуми деновиве пишуваат дека сериозна заинтересираност за Португалецот изразил тимот на Фламенго, актуелниот освојувач на Купот Либертадорес.Бразилците веќе бараат спонзори кои би им помогнале да го ангажираат Роналдо, кој би дошол само на три месеци во овој тим.
Ветеранот во моментов е со Португалија на Мундијалот во Катар, каде што беше стрелец во воведната победа над Гана (3-2). Евентуалниот трансфер во Фламенго за него е интересен бидејќи би добил шанса да игра за светската клупска титула и тоа против „својот“ Реал Мадрид, чиј најдобар стрелец е во историјата.