Револуција: Шкотска забрани децата да ја удираат топката со глава

24 февруари 2020 - 16:20

Минатиот месец Шкотска најави дека ќе забрани деца помлади од 12 години на тренинг да ја удираат топката со глава, откако истражување покажало дека фудаблерите страдаат од деменција, а од денеска правилото официјално стапи на сила.

Раководството на шкотскиот фудбал ја воведе забраната за игра со глава за време на тренинг, а тоа ќе важи за сите фудбалери до 12 години.

Новото правило почна да се имплементира откако истражувањето на Универзитет во Глазгов докажал поврзаност меѓу тој дел од фудбалската игра и деменцијата.

Исто така, во моментов се разгледува можноста правилото да биде воведено и во целиот младински фудбал на Шкотска, односно да важи за фудбалери до 17 години.