Премиерлигата ја изрече првата казна за симулирање пенал (ВИДЕО)
Станува збор за фудбалерот на Евертон, Умар Ниасе, кој се обиде и успеа да исценира прекршок за најстрога казна на дуелот со Кристал палас.
Според правилникот на ФА, Ниасе е обвинет за „успешна измама на судијата“ и поради тоа е казнет со два натпревари неиграње.
Сенегалецот падна во шеснаесетникот по минималниот контакт со Скот Дан, а судијата Ентони Тејлор процени дека тоа е доволно за пенал и покажа на белата точка. Бејнс погоди, а натпреварот заврши со 2-2.