Повреда која никој не сакаше да ја види во Баерн Минхен (ВОЗНЕМИРУВАЧКО ВИДЕО)

12 декември 2019 - 15:49

Екипата на Баерн Минхен ја заврши групната фаза во Лигата на шампионите со максимален ефект. „Баварците“ во последното коло го совладаа Тотнем со 3-1.

Но, мечот ќе остане во сенка поради тешката повреда на Кингсли Коман, кој мораше предвреме да го напушти теренот. Францускиот фудбалер се здоби со повреда на коленото и зглобот при еден прием на топката. Медицинските лица веднаш влетаа на терен и му дадоа прва помош, а потоа го однесоа во соблекувална. Кога виде што се случи со неговиот сонародник Корентин Толисо, кој беше на трибините, веднаш го напушти своето место и се упати кон соблекувалната.

Сепак, деталните извештаи потврдија дека се работи за пукнатина на чашката на коленото, а воедно го истегнал и мускулот на тетивата.

Клупскиот доктор потврди дека се работи за пукнатина на чашката на коленото. Покрај тоа, Коман го истегнал и мускулот на тетивата. Коленото му е имобилизирано и тоа е се што можеме да направиме во овој момент, стои во соопштението на Баерн.

Според сериозноста на повредата, оваа година за Коман е завршена кога е во прашање враќањето на терен.