Погба има само еден услов да остане во Манчестер јунајтед
Околу неговата иднина се вртат многу шпекулации и наводно ПСЖ, Јувентус и Реал Мадрид веќе контактираат со неговиот агент Мино Рајола за да му понудат нов договор. Според англиските медиуми, Французинот би сакал да остане на „Олд Трафорд“ и да потпише нов договор, но условот е Оле Гунар Солшер да не биде менаџер.
Желбата на Погба може и ќе му се оствари со оглед на фактот дека Јунајтед сезонава има очајни резултати во Премиерлигата. Очигледно на фудбалерот од средниот ред никако да му се погоди тренерот, бидејќи и претходно имаше сериозни несогласувања со Жозе Мурињо.