Официјално: Пандев за тренер во Џенова доби поранешен соиграч од Интер (ФОТО)

22 октомври 2019 - 20:26

Како што се шпекулираше во претходните денови во италијанските медиуми, Тијаго Мота денеска беше претставен како нов тренер на Џенова, кадешто настапува македонскиот репрезентативец Горан Пандев.

Пандев и Мота играа заедно во Интер од 2010 до 2012 година, а сега поранешниот фудбалер ќе му биде тренер на Македонецот во Џенова, која не ја почна сезоната најдобро, поради што и тренерот Андреацоли доби отказ.