Њукасл во финале првпат по две и пол децении! (ВИДЕО)
Не требаше долго Њукасл да ја наметне својата улога на фаворит, бидејќќи поведе уште по пет минути игра со голот на Лонгстаф. Истиот играч ја понесе славата и при вториот погодок, 16 минути подоцна, а целата возбуда беше концентрирана во првиот дел, бидејќи Саутемптон намали на 2-1 во 29. миута, по една грешка на домаќините. Стрелец беше Че Адамс.
Ова е прво големо финале за Њукасл, по 1999 година, кога играше завршница во ФА-купот. Но и тогаш загуби, па затоа последниот голем пехар во клубот датира уште од 1969 година, од Купот на саемски градови. За да го прекинат постот, во финалето ќе треба да го совладаат, најверојатно, Манчестер јунајтед, иако реваншот со Нотингем Форест треба да се комплетира утревечер. „Црвените ѓаволи“ носат предност од 3-0 од првиот круг.