Ни Гвардиола не го сака својот тим: Не би навивал за овој Сити

29 ноември 2025 - 12:07

Во однос на минатата сезона, Манчестер Сити бележи голем напредок и во играта и во резултатите, но се чини дека во моментов не може да се спореди со Арсенал кој е лидер на табелата во Премиер лигата.

Тимот премногу осцилира, лошо почна, потоа се стабилизира за последната недела да доживеен два пораза со што му дозволи на Арсенал повторно да се оддалечи во Премиер лигата, а во Лигата на шампионите да се оддалечи од најдобрите. Тоа не му се допаѓа на Пеп Гвардиола кој смета дека ова не е оној Манчестер Сити кој го посакуваат и тој и фановите.

„Како навивач, не би го поддржувал мојот тим ако игра како што игравме ние. Не се обидовме, а во фудбалот кога играш - мора да се обидеш. Имам теорија дека треба да ги ротирате играчите, можеби е неодржливо, но имав многу доверба во нив. Сè уште ја имам. Исто така, имам многу почит. Можеби мислам повеќе за нив отколку што тие мислат за себе. Тоа беше добра лекција за мене. Колку и да сум искусен како тренер, тоа беше добра лекција за мене и за иднината“, вели Гвардиола.

Манчестер Сити денеска го пречекува Лидс во надеж дека ќе се врати на победнички патеки.