Неапол бесен на Сари: Таблата во чест на „командантот“ тргната од градот под Везув (ФОТО)

Сари во Неапол сите го почитуваа. Го нарекуваа командант. Дури и се радуваа на неговиот успех со Челси, а тој трофејот од Лига Европа им го посвети на наполитанците. Но, од вчера е крвен непријател. И колку болно под Везув го прифатија предавството најдобар доказ е уривањето на плакетата која стоеше во населбата каде Сари е роден.

Новиот тренер на Јувентус е роден наполитанец, беше тренер на Наполи три години пред да замине во Лондон. Во квартот Балјони стоеше плакета во негова чест, која сега ја нема.

„Овде е роден командантот Маурицио Сари. Наполитанците му благодарат на архитектот на убавината. Засекогаш наш – командант“, пишуваше на истата.

Но, таа повеќе ја нема, зашто навивачите експресно ја тргнаа. За нив ова е поголемо и поболно предавство од трансферот на Гонзало Игуаин во таборот на „старата дама“. Кој знае каков дочек му подготвуваат во првото дерби на „Сан Паоло“.