Не е ПСЖ, ни Сити: Кој гигант потроши безмалку милијарда евра за пет години на трансфери? (ФОТО)

04 јули 2020 - 08:20

Трансфер лудилото кое се случуваше во последните пет години веројатно нема во блиска иднина да се повтори, барем според прогнозите и проценките на фудбалските експерти и финансиските стручњаци, најмногу поради пандемијата со коронавирус.

Арно ама, ако се погледнат бројките на пари потрошени на трансфери само во последните пет години човек буквално глава ќе го заболи, а тоа што е најинтересно е податокот дека најмногу од сите не потрошиле „модерните гиганти“, ПСЖ и Манчестер сити, кои со петро-доларите од арапскиот свет изградија екстремно моќни клубови.

Според анализата клуб кој безмалку потрошил една милијарда евра на трансфери во последните пет години или во просек по 200 милиони годишно е италијанскиот великан Јувентус. Трошокот на засилувања им е 996 милиони евра.

Зад нив е Сити со 972 милиони, па Барселона со 952 милиони, четврти е Манчестер јунајтед со 836, а петти ПСЖ со 813 милиони, од кои половина се само на двајца играчи Нејмар и Килијан Мбапе.

Најдобрата десетка ја комплетираат Челси, Атлетико Мадрид, Реал Мадрид, Арсенал и Ливерул. Тоа што е најинтересно е што Баерн Минхен не е ни во „топ 10“, а веројатно за Баварците на ова последно место меѓу гигантите им е податок за гордост, зашто и со помали трошоци се секогаш во врвот на европскиот фудбал.