Навивачите на Јунајтед ќе бидат среќни: „Ѓаволите“ деновиве ќе објават радосна вест!

Мурињо има уште две години од договорот, но се шпекулираше дека можно е да биде прекинат, прво оради наводно незадоволство што скапиот тим за кој беа потрошени 300 милиони евра во последната година уште на полусезона ја загуби трката со градскиот ривал Манчестер сити, а и дека ПСЖ со многу богата понуда ќе се обиде да го донесе Португалецот на „Паркот на принцовите“.

Сепак, како што стојат работите управата веќе му понудила нов договор, а Мурињо истата ја прифатил и сега само се чека моментот, кога Манчестер јунајтед ќе ја обзнани веста на своите приврзаници.

Откако дојде на кормилото на најтрофејниот англиски клуб, Мурињо освои еден трофеј и тоа европски – Лига на Европа во минатата сезона.