Наполи на „мускули“ против Џенова, Лацио повторно киксна (ВИДЕО)

Стрелец на екстремно важниот погодок за „наполитанците“ во борбата за скудетото беше дефанзивецот Раул Албиол во 72-та минута од дуелот. Македонскиот репрезентативец Горан Пандев играше на „Сан Паоло“ до 67-та минута, кога беше повлечен од игра, а на негово место влезе Лука Ригони. Наполи сега има два бода помалку од лидерот на табелата Јувентус.

Лацио три натпревари не знае за победа и полека ја губи трката за пласман во Лигата на шампиони. Момците на Симоне Инзаги вечерва на „Олимпико“ одиграа само 1-1 против Болоња. Симоне Верди ги доведе гостите во водство во третата минута, а Лукас Леива израмни во 16-тата минута и тоа се покажа како конечен резултат. Интер сега е на четвртата позиција со 55 бодови, додека Лацио сега има еден помалку на петтата позиција.