Модриќ ја отвори душата: Добив повик во својата соба и почнав да плачам... (ВИДЕО)

16 мај 2019 - 18:11

За Лука Модриќ еден од најважните моменти во животот беше освојувањето на „Златната топка“, која ја доделува „Франс Фудбал“.

Модриќ лани со Реал Мадрид ја освои титулата во Лигата на шампиони, а со Хрватска стигна до сребрениот медал на Светското првенство во Русија, како круна на одличната сезона.

Хрватот така ја прекина доминацијата на Лионел Меси и Кристијано Роналдо, кои по пет пати ја освојуваа наградата.

Неколку недели пред гала-вечерта од францускиот магазин му откриле на 33-годишниот Модриќ дека е победник, а тој не можел да си дојде на себе од среќа.

„Бев во својата соба, па добив повик од уредникот на ‘Франс Фудбал’, а потоа почнав да плачам“, вели Модриќ.