Милан продаде дефанзивец за 4,5 милиони евра

17 јуни 2019 - 17:51

Милан продаде уште еден фудбалер кој беше на позајмица. По Мануел Локатели кој го продаде на Сасуоло за 10 милиони евра, „росонерите“ официјално го продадоа и парагвајскиот дефанзивец Густаво Гомез.

Палмеираш го откупи Парагваецот за 4,5 милиони евра, а оваа сума била договорена минатото лето. Бразилскиот клуб летото плати 1,5 милиони евра само за позајмицата на Гомез, а тоа значи дека Милан вкупно инкасира шест милиони евра.

Гомез е вистински столб во одбраната на Палмеираш. Тој запиша 29 мечеви минатата сезона, на кои постигна шест голови. Во моментов е член на репрезентација на Парагавај на Копа Америка, но поради суспензија нема да игра на првите два натпревари од групната фаза.