Менаџерот на Роналдо за прикаската со Барселона: Сè е лага!
Роналдо после елиминацијата на Јувентус од ЛШ, повторно е во фокусот поради наводно заминување од Торино, па прво се појавија информации за негов трансфер во ПСЖ, а сега дека ѝ е понуден на Барса.
„Сè е лага“, само кратко прокоментира најмоќниот менаџер на светот.
Роналдо пред две години дојде во Јувентус за 115 милиони евра и има договор до 2022 година, а Португалецот по освојување на новото „скудето“ објави дека останува во Торино во обид да направи хет-трик на титули во Италија.
Португалската суперѕвезда е поранешен фудбалер на Реал Мадрид, кој влезе во легендите како најдобар стрелец во историјата на клубот, освои четири европски титули, а дојде од Манчестер јунајтед во 2009 година за тогашен светски рекорден трансфер од 90 милиони евра.