Марио Балотели прави шокантен кам-бек во Серија А
Информациите во италијанските медиуми велат дека Супер Марио се враќа дома во Италија. Откако играше за Интер и за Милан, голгетерот сега е подготвен да потпише и за најтрофејниот клуб во Серија А, Јувентус.
Балотели би требало да биде резерва во „старата дама“ и да му биде замена на Гонзало Игуаин, кога Аргентинецот е повреден, суспендиран или му треба одмор. Оваа ситуација му одговара на Балотели, бидејќи нема да има притисок да биде главен играч на теренот.
Интересно е да се види како на вакво нешто ќе реагираат навивачите на Јувентус, кај кои Балотели не е е омилен особено по неколку негови контраверзни изјави за овој клуб, додека го носеше дресот на Интер и Милан.