Марадона жестоко удри по тие кои го исмејуваа поради необичната маска (ФОТО)

01 октомври 2020 - 17:54

Легендарниот аргентински фудбалер Диего Армандо Марадона има многу здравствени проблеми, па поради тоа реши да се заштити од ковид-19, но носеше необична маска која предизвика потсмев кај јавноста.

На мечот на Гимназија ла Плата, Марадона се појави со маска за која многумина порачаа дека изгледа како да е од некое вселенско летало, а тоа го налути Аргентинецот кои реши да им одговори на тие кои го исмејуваа.

„Денеска го напуштив мојот дом со оваа маска, која докторот ми ја препорача. Таа е иста како таа што ја носат докторите. Ја носев поради почит кон тие што починаа од ковид-19. И веднаш се соочив со потсмев од возрасни, од момчиња и новинари. Новинари кои ве критикуваат кога не се грижите за себе, но и тогаш кога се грижите. Тие кои им се смеат на луѓе како мене. Би било добро за нив да разберат дека не можат да бидат интересни и да заработат на ваков начин, без почит кон никого и ништо“, кажа Марадона.