Ла Лига се враќа на 11 јуни со големо дерби

25 мај 2020 - 09:42

Претседателот на Ла Лига, Хавиер Тебас изјави дека сака првенството да продолжи на 11 јуни и прв натпревар да биде големот градско дерби помеѓу Севилја и Бетис.

Премиерот на Шпанија објави дека фудбалот може да се врати во земјата по 8 јуни, па фудбалските власти веќе забрзано ги почнаа плановите за рестарт на сезоната.

„Сигурно е дека првенството ќе продолжи тој викенд“, вели Тебас. „Треба добро да ги разгледаме деновите од таа недела за да видиме точно кој ден ќе почнеме со игра. Исто така треба да биде поврзано со фазите на тренинг. Јасно е дека ќе биде таа недела, можеби ќе почнеме во четврток 11 јуни со еден натпревар. Ние би сакале тоа да биде големото дерби помеѓу Севилја и Бетис“, изјави Тебас.