Класата е вечна: Роналдињо со магичен слободен удар го стресе Реал (ВИДЕО)

29 ноември 2024 - 09:23

Синоќа во Катар беше одигран ревијален натпревар меѓу ветераните на Барселона и Реал Мадрид.

На двете страни настапија некои од најголемите ѕвезди во историјата на фудбалот. За Барса настапија Баија, Франк де Бур, Трасхорас, Виља, Жули, Роналдињо, Ривалдо, Мендиета, Наваро, Сорин, Абидал, Клајверт, Кварезма итн., а за Реал играа Бујо, Павон, Милла, Конго, Сидорф, Фиго, Савио, Амависка, Раул Браво, Санс, Нуњес, Жулио Баптиста, Иван Кампо итн.

Натпреварот по основниот дел заврши без победник (2-2), а по изведувањето пенали победи Барселона со 4-2. Ветераните на каталонскиот тим поведоа со 2-0 со головите на Сорин и Роналдињо, а особено атрактивен беше голот на поранешниот бразилски ас. Иако со 44 години и многу килограми повеќе, Роналдињо покажа дека класата е вечна и со магично изведен слободен удар ја затресе мрежата на Франсиско Бујо кој не се ни помрдна.

Реал се избори за израмнување со головите на Фиго и Конго, Барса можеше да дојде до победа по основните 90 минути, но во второто полувреме Клајверт не успеа да погоди од белата точка.