Кавани режираше епски пресврт за победа на Јунајтед (ВИДЕО)

„Црвените ѓаволи“ беа на раб на бездната откако по пола час игра се најдоа во негатива од 0-2, а потоа останаа и без првиот голман Давид Де Хеа, кој се повреди, но Кавани и Бруно Фернандеш си разменија по една асистенција за да погодат во 14 минути и да го вратат Јунајтед во игра, а потоа следуваше завршниот удар од Уругваецот на асистенција на Маркус Рашфорд во судиското надополнување за победа.

Саутемптон набрзина за десет минути во средина на вториот дел од 23-та до 33-та минута преку Беднарек и Вард Праус погодија за водство од 2-0, па на сцена стапи португалско-уругвајскиот тандем за да извлечат бод. Прво Фернандеш погоди на асистенција на Кавани во 60-та минута, за Јунајтед да се врати во мечот, а потоа португалскиот плејмејкер возврати со асистенција за уругвајската ѕвезда да погоди во 74-та за да израмни.

Во 90+2-та минута, Кавани даде уште еден за победа за да го заокружи својот перфектен настап, ама и да го круниса епскиот пресврт за три бода на својот тим

Но, допрва маките и главоболките ќе почнат за Оле Гунар Солшер, откако Де Хеа се повреди, сканува збор за скочниот зглоб и тој беше заменет со Дин Хендерсон, а допрва ќе се види колку е сериозна повредата и колку би паузирала „единицата“.

Манчестер со триумфот сега има 16 бода и стигна до седмото место на табелата, додека Саутемптон остана петопласиран со 17.