Капитенот на Арсенал одбил да замине со „топчиите“ на турнејата во САД
Кошелни во последниов период беше поврзуван со трансфер во Бордо, Рен и Лион, па сега со оваа постапка практично сака да издејствува трансфер, што ептен ги разочара сите во Арсенал.
„Многу сме разочарани од постапката на Лоран, која е против нашите инструкции. Ние се надеваме дека проблемите ќе ги решиме и понатаму нема да коментираме ништо за сето ова“, објавија од „Емирати“.
Кошелни во Арсенал дојде во 2010 година за десет милиони фунти и досега има 353 меча. Наводно тој веќе има устен договор со Бордо, кој му нуди тригодишен договор.