Јилдиз херој на Јувентус, го реши Каљари за триумф на „старата дама“ (ВИДЕО)

Триумфот за „старата дама“ дојде благодарение на одличниот Кенан Јилдиз кој беше стрелец на двата гола за фаворитот.

Не тргна добро натпреварот за Јувенту бидејќи Еспосито по 26 минути игра ја погоди мрежата на Ди Грегори за 1-0. Но, Јувентус брзо се врати и само минута подоцна Јилдиз го постигна првиот гол на средбата.

Разочарување за навивачите на Јувентус дојде и само четири минути по голот за израмнување бидејќи се повреди Влаховиќ. Српскиот фудбалер беше заменет и на негово место влезе Џонатан Дејвид.

Голот за победа на Јувентус Јилдиз го постигна во судиското продолжение од првиот дел кога по едно додавање од Калулу си направи одличен простор и шутираше прецизно покрај десната статива.

Во вториот дел Јувентус не напаѓаше премногу, создаде некоја прилика, но најважно за избраниците на Спалети беше што ја зачуваа предноста.