Јаховиќ со гол во стилот на Погба обезбеди бод за Коњаспор (ВИДЕО)

10 февруари 2019 - 13:32

Македонскиот интернационалец Адис Јаховиќ имаше уште еден фантастичен настап за Коњаспор на домашен терен во дербито против Јени Малатјаспор (1-1).

Екипата на Јаховиќ имаше за нијанса подобар настап од големиот ривал, но нивните неискористени шанси ги казни Даниел Алексиќ во 74. минута за водство од 1-0 за Јени.

Јаховиќ го спаси својот тим од пенал во 85. минута, откако го изведе казнениот удар во стилот на Пол Погба, па ги постави конечните 1-1.

Коњаспор во моментов е шестопласирана со 33 бодови на табелата, односно еден помалку од четвртата позиција, која обезбедува пласман во Лигата на Европа за наредната сезона.