Интер нуди 35 милиони евра само за да се смири со Икарди и Ванда!
„Неразурите“ со овие 35 милиони евра сакаат да стават крај на кавгата со својот најдобар напаѓач и со неговата сопруга Ванда, односно да ја смири тензијата која и тоа како му штети на целиот тим. Понудата е само еден милион „пократка“ од тоа што овој двоец го побара од Интер, поради што е за очекување дека таа ќе биде прифатена.
Единствен проблем може да биде барањето да се тргне откупната клаузула од 110 милиони евра, која важи секое лето во периодот помеѓу 1 и 15 јули или, пак, таа да биде намалена. Причина за ова е големиот интерес за Икарди од екипи како Челси, Реал Мадрид и Јувентус, кои би сакале да го видат во своите редови.