Хрватот кој не потпиша за Фенер поради Мурињо - оди во Серија А!

11 август 2025 - 20:52

23-годишниот фудбалер на Риека, Нико Јанковиќ имаше договорен трансфер во Фенербахче кој во последен момент беше стопиран, сега можна дестинација за младиот играч е Серија А каде што има интерес од три клуба.

Фенербахче и Риека го имаа договорено трансферот на Нико Јанковиќ за сума од 5,6 милиони евра. Но пред да се реализира, Мурињо „тропна на масата“ на раководството на Фенер и побара прво да му се донесат засилувањата кои вистински му требаат за новата сезона, а потоа да се купуваат фудбалери за иднината на турскиот клуб.

Така пропадна трансферот на Јанковиќ во Фенер, но можеби тоа ќе испадне и добро за него со оглед на тоа што интересот е голем.

Според „Тутомеркатовеб“, за Јанковиќ се интересираат Аталанта, Фиорентина и Болоња. Некој од овие три клуба може да биде следната дестинација за Хрватот.