Дебакл на великанот: Андерлехт после 56 години првпат нема да игра во Европа

20 мај 2019 - 08:15

Белгискиот гигант Андерлехт не успеа да се квалиификува за настап во еврокуповите по 56 години, откако во последното коло загуби со 1-2 кај Гент и така го заврши првенството на шесто место.

Пред последното коло Андерлехт и Гент беа бодовно израмнети во борбата за последното место, кое обезбедуваше пласман во Европа, а на крајот поуспешни беа домаќините.

Гент поведе во втората минута, а Андерлехт израмни во 74. минута на 1-1. Сепак, две минути подоцна домаќините ги поставија конечните 2-1 и обезбедија пласман во Европа.

Титулата уште во четвртокот ја освои Генк, кој ќе настапи во Лигата на шампиони.