Де Геа може да си замине: Јунајтед пронајде нов голман

12 јуни 2019 - 18:44

Шпанскиот голман Давид де Геа ја одби понудата на Манчестер јунајтед за продолжување на договорот. „Ѓаволите“ неколку пати му нудеа на Де Геа нов тригодишен договор, но Шпанецот одбиваше и по се излгеда во летниот преоден рок ќе си замине од „Олд трафорд“.

Затоа англискиот гигант веќе е во потрага по нов чувар на мрежата кој ќе го замени Шпанецот. Според последните информации клубот од Манчестер е заинтересиран во своите редови да го донесе голманот на Ајакс, Андре Онана кој со клубот од Амстердам имаше сезона за паметење.

Младиот Камерунец ги има поминато младинските категории на Барселона, а во 2015. година се пресели во Ајакс. Јунајтед за него подготвил понуда од 40 милиони фунти, но прво ќе почекаат да се кристализара ситуацијата со Де Геа.