Челси го реши Лестер и им се врати на победите во лигата (ВИДЕО)

„Сините“ тргнаа фуриозно кон голот на „лисиците“ и веднаш извршија голем притисок, а за првиот гол им беа потребни 15 минути кога Никола Џексон ја затресе мрежата на домаќините.

Челси погоди и преку Мадуеке во 32. минута, но голот беше поништен откако претходно во недозволена ситуација се најде Кукурелја.

Енцо Фернандез беше стрелец на вториот гол за „сините“ во 75. минута кога со глава ја затресе мрежата на Лестер за предност од 2-0 на Челси.

Лестер доби пенал во судиското надополнување, па преку Ндиди успеа да намали на 1-2, но немаше шанса и да се спаси од пораз.