„Бејл не сака трансфер во Премиерлигата, среќен е во Мадрид“
Постојано се појавуваат нови информации околу иднината на Велшанецот, кој се чини еден период беше многу близу до заминување од клубот. Сега неговиот агент исклучува трансфер назад во Премиерлигата и вели дека Бејл е среќен во Мадрид.
„Немам идеја колкава е неговата вредност. Неговата плата е висока и местото каде што сака да оди е многу важно во неговиот живот. На тоа не можам да ставам цена“, вели Џонатан Барнет. „Клубовите треба да одлучат колку сакаат да платат за него. Како што велам постојано, тој е среќен во Мадрид. Има одличен живот и не гладам причина зошто не би ја завршил кариерата во Мадрид. Финансиски тој ќе сака да се обезбеди до крајот на својот живот, како и неговите деца и внуци. Тука освои буквално сè освен Светското првенство. Да се врати во Премиерлигата сигурно би било големо нешто, но мислам дека во моментов тој не е заинтересиран за такво нешто, бидејќи е среќен во Реал Мадрид“, вели агентот на Велшанецот.
Бејл има договор со Реал Мадрид од јуни 2022 година.