Барселона во голем стил, со петарда го освои Кралскиот куп (ВИДЕО)

21 април 2018 - 23:19

Фудбалерите на Барселона се закитија со првиот трофеј во оваа сезона, откако вечерва го освоија шпанскиот Куп совладувајќи ја Севиља со 5-0.

Ова беше јубилеен 30-ти трофеј во најбројното шпанско натпреварување, што е рекорд на Пиринејскиот полуостров, а теренот на Атлетико Мадрид беше сведок на една од најдобрите партии сезонава на Каталонците.

Чистата победа на Каталонците ја најави Суарез во 14-та минута, кој до крајот на првиот дел постигна уште еден гол, а и Меси стрелаше за 3-0. Во вториот дел, Иниеста и Кутињо од пенал реализираа за вкупни 5-0.

Севиља не беше до толку во подредена ситуација колку што кажува резултатот, но не успеаја да постигнат ниту почесен гол избраниците на Виченцо Монтела.