Барса се крена од почетниот шок и се искачи на лидерската позиција (ВИДЕО)

29 ноември 2025 - 18:38

Најмалку 28 часа Барселона ќе биде лидер на табелата во Ла Лига откако попладнево на домашен терен го победи Алавес со 3-1.
 

На својот 126. роденден, „каталонците“ беа шокирани по само 45 секунди бидејќи по еден корнер, домашната одбрана лошо реагираше и Ибањез ја затресе мрежата од 2-3 метри. За среќа на Барселона, Јамал го израмни резултатот веќе во осмата минута откако натрча на една одбиена топка и со атрактивен удар го совлада голманот на Алавес.

За целосен пресврт се погрижи Дани Олмо во 26. минута, но двете акции за головите на Барселона ги иницираше Рафиња кој конечно се врати во стартната постава. Олмо стави точка на мечот во 93. минута, на асистенција на Јамал, со својот втор гол на натпреварот.

Барселона сега има 34 бода, два бода повеќе од Реал Мадрид кој својот меч од ова коло ќе го одигра утре од 21 часот, на гости кај Жирона.