Артета го предупреди сопственикот на Арсенал: Мора да трошиме ако сакаме Лига на шампиони!

„Топчиите“ се на осмото место на табелата, со девет бода помалку од четвртото место кое води во Лигата на шампиони. Непостојаните игри на тимот досега оваа сезона, според Артета, се сериозна причина да се преземат мерки на трансфер пазарот за да се намали разликата до лидерите.

Првите две екипи на табелата се чини дека се далеку пред другите, но екипите под нив не седат мирно. Тие се обидуваат да го скратат растојанието. Ние, исто така, мора да се стремиме кон тоа, затоа што имаме многу простор за подобрување. Неизвесноста за тоа како ќе изгледа пазарот е сè уште голема. Ние се обидуваме да направиме различни планови со оглед на различните можни сценарија. Начинот на кој ја завршуваме сезоната ќе ги утврди и нашите финансиски можности за следната кампања. Она што е сигурно е дека не можеме да ја избришеме разликата ако ги продадеме нашите играчи и не ја засилиме екипата, изјави Артета.