Арсенал со убедлива победа над Нотингем ја прекина лошата серија во Премиерлигата! (ВИДЕО)

23 ноември 2024 - 17:59

Арсенал со 3-0 го победи Нотигнем форест и ја прекина серијата од четири последователни меча без триумф, Астон Вила освои само бод против Кристал Палас играјќи 2-2.

Навивачите на Арсенал на гол се израдуваа уште во петтата минута, но погодокот на Тимбер беше поништен поради офсајд.

Во 15. минута Сака даде гол за водство на Арсенал од 1-0. Тоа беше единствениот погодок во првото полувреме.

По седум минути игра во вториот дел, Парти даде извонреден гол од далечина за предност на Арсенал од 2-0.

Конечните 3-0 ги постави 17 годинишниот Нванери во 86. минута, само четири минути претходно влезе во игра.

Астон Вила и Кристал Палас одиграа нерешено 2-2. Гостите двапати водеа, домаќините двапати израмнуваа.

Вила промаши и пенал преку Тилеманс, тимот на Емери загуби два бода во борбата за позициите кои водат во Лигата на шампионите.

Брајтон дојде до гостинска победа, славеше со 2-1 кај Борнмут.

Гостински триумф забележа и Вулвс кој победи на Кревин Котиџ против Фулам со 4-1. Немаше голови на мечот меѓу Евертон и Брентфорд.