Во Шкендија нема коронавирус: Сите членови на тетовци се негативни!

14 јули 2020 - 15:32

Поранешниот македонски првак Шкендија беше еден од двата тима кои уште во мај имаа двајца заразени од новиот коронавирус, па сега откако ги почнаа подготовките за новата сезона, но и за настапот во Европа – сите членови на клубот се чисти.

Шкендија денеска објави дека после тестирањето на тимот, играчите, членовите на стручниот штаб и вработените во клубот се негативни, па по еднонеделни подготовки во Маврово се враќаат во Тетово за да ги продолжат подготовките.

Негативните резултати од тестирањето на Шкендија сега и овозможнува нормално да продолжи со подготовките, а клубот веќе им има ставено на сите играчи и стручниот штаб највисок степен на професионализам, што значи нивна изолација од контакти со надворешни членови за да не се случи појава на нов заболен, а со тоа можнот за карантин на комплетниот тим.

Шкендија до европскиот настап има повеќе од еден месец за да се подготви, а за три недели треба да почне домашната сезона, која поради севкупната ситуација останува неизвесна дали ќе почне навреме или ќе има некое пролонгирање.